Oct 09 2026 | २०८३, आश्विन २३ गते
.jpg)
Oct 09 2026 | २०८३, आश्विन २३ गते
काठमाडौँ । यातायात व्यवस्था विभागले देशभर सार्वजनिक सवारी साधनको नयाँ दर्तामा रोक लगाएको छ । सडकमा बढ्दो सवारी चाप, प्रदूषण र ट्राफिक जामलाई नियन्त्रण गर्ने उद्देश्यले विभागले यस्तो निर्णय गरेको जनाएको छ ।
विभागले जेठ ७ गते सातवटै प्रदेशका सम्बन्धित मन्त्रालय तथा देशभरका सबै स्थानीय तहलाई परिपत्र गर्दै अर्को सूचना जारी नभएसम्म सार्वजनिक सवारी साधनको नयाँ दर्ता नगर्न निर्देशन दिएको हो ।
यो निर्णयसँगै अब देशभर कुनै पनि नयाँ सार्वजनिक सवारी साधन दर्ता गर्न पाइने छैन । विभागका अनुसार यो व्यवस्था इन्धनबाट चल्ने सवारीमा मात्र नभई विद्युतीय सार्वजनिक सवारी साधनमा समेत लागू हुनेछ ।
विभागले देशको सडक क्षमता, इन्धन खपत, प्रदूषणको अवस्था, यात्रु चाप तथा लगानी जोखिमलाई मध्यनजर गर्दै यस्तो निर्णय गरिएको जनाएको छ ।
सवारी तथा यातायात व्यवस्था ऐन, २०४९ को दफा २४ को उपदफा (३) ले दिएको अधिकार प्रयोग गर्दै नयाँ दर्तामा रोक लगाइएको विभागको भनाइ छ ।
विभागको यो निर्णयले सार्वजनिक यातायात क्षेत्र, व्यवसायी तथा विद्युतीय सवारी प्रवर्द्धनमा कस्तो असर पार्ने भन्ने विषयमा अहिले विभिन्न बहस सुरु भएको छ ।
© 2026 All right reserved to thelumbini.com | Site By : Sobij
