Oct 08 2026 | २०८३, आश्विन २२ गते
.jpg)
Oct 08 2026 | २०८३, आश्विन २२ गते
काठमाडौं : डा. गोपीकृष्ण न्यौपानेले करिब पाँच वर्षको अनुसन्धानपछि तयार पारेको ‘उदयपुर सिमेन्ट उद्योग लिमिटेडको सञ्चालन चुनौतीहरू र दीगो समाधानको विश्लेषण’ शीर्षकको अनुसन्धान प्रतिवेदन उद्योगमन्त्री दीपक कुमार साहसमक्ष प्रस्तुत गरेका छन् ।
उदयपुर सिमेन्ट उद्योग लिमिटेडसहित अन्य सरकारी संस्थानहरूको सञ्चालनमा देखिएका चुनौती पहिचान गरी दीगो समाधानका उपाय सुझाउने उद्देश्यले तयार पारिएको उक्त अनुसन्धानले सरकारी संस्थानको प्रभावकारी सञ्चालनमा सहयोग पुग्ने अपेक्षा गरिएको छ ।
डा. न्यौपानेले अनुसन्धान प्रतिवेदन तथा त्यससँग सम्बन्धित ‘थेसिस’ र ‘कन्क्लुजन–रिकमेन्डेसन’ को छुट्टाछुट्टै प्रति मन्त्री साहलाई हस्तान्तरण गरेका हुन् ।
प्रतिवेदन ग्रहण गर्दै मन्त्री साहले अनुसन्धानलाई उत्साहका साथ स्वागत गरेका थिए। सरकारी स्वामित्वका उद्योग तथा संस्थानको सञ्चालन, व्यवस्थापन र दीगो सुधारका लागि अनुसन्धानबाट प्राप्त निष्कर्ष उपयोगी हुन सक्ने अपेक्षा गरिएको छ ।
डा. न्यौपानेले केही दिनअघि मात्रै उक्त विषयमा पीएचडी उपाधि हासिल गरेका थिए। करिब पाँच वर्षको अध्ययन, अनुसन्धान र विश्लेषणपछि तयार पारिएको अनुसन्धानमा उदयपुर सिमेन्ट उद्योगका सञ्चालन चुनौती तथा तिनको दीगो समाधानका सम्भावित उपायहरू समेटिएका छन् ।
अनुसन्धान प्रतिवेदन मन्त्रीसमक्ष प्रस्तुत गरेपछि डा. न्यौपानेले छोटो समयमा भेटका लागि समय उपलब्ध गराएकोमा मन्त्री साहप्रति आभार व्यक्त गरेका छन् ।
साथै भेटको समय व्यवस्थापनमा सहयोग गर्ने मन्त्रीको सचिवालयका कर्मचारी सन्ध्या सिग्देल र प्रमिला पौडेललाई समेत डा. न्यौपानेले धन्यवाद दिएका छन् ।
© 2026 All right reserved to thelumbini.com | Site By : Sobij
