Oct 09 2026 | २०८३, आश्विन २३ गते
.jpg)
Oct 09 2026 | २०८३, आश्विन २३ गते
काठमाडौं । काठमाडौं उपत्यकामा खाना पकाउने एलपी ग्यासको अभाव बढ्दै गएपछि नेपाल एलपी ग्यास उद्योग संघले असोज २५ गतेदेखि उपत्यकाका विभिन्न ६ स्थानबाट ग्यास बिक्री वितरण गर्ने भएको छ।
ग्यासको आपूर्ति सहज बनाउँदै उपभोक्तालाई राहत दिने उद्देश्यले संघले असोज २५ देखि ३१ गतेसम्मका लागि तोकिएका बिक्री केन्द्रबाट ग्यास उपलब्ध गराउने व्यवस्था मिलाएको हो।
संघका अध्यक्ष दिवान चन्दका अनुसार नेपाल आयल निगमको समन्वय तथा ग्यास बिक्रेता महासंघको सहकार्यमा ग्यास बिक्रीको व्यवस्था गरिएको हो। तोकिएका बिक्री केन्द्रबाट बिहान ९:३० बजेदेखि अपराह्न ४:३० बजेसम्म ग्यास बिक्री गरिनेछ। साथै, ती केन्द्रमा खाली सिलिन्डर साटेर भरिएको सिलिन्डर लैजान सकिने व्यवस्था पनि गरिएको संघले जनाएको छ।
संघका अनुसार काठमाडौं उपत्यकाका विभिन्न स्थानमा फरक–फरक ब्रान्डका ग्यास बिक्री गरिनेछ।
उपत्यकामा ग्यासको आपूर्तिमा देखिएको समस्या समाधान गर्न र उपभोक्तालाई सहज रूपमा ग्यास उपलब्ध गराउन बिक्री केन्द्र तोकिएको संघले जनाएको छ।
तोकिएको समयभित्र सम्बन्धित बिक्री केन्द्रमा पुगेर उपभोक्ताले ग्यास खरिद गर्न सक्नेछन्। खाली सिलिन्डर साटफेरको सुविधासमेत उपलब्ध हुने भएकाले ग्यास अभावबाट प्रभावित उपभोक्तालाई केही राहत पुग्ने अपेक्षा गरिएको छ।
© 2026 All right reserved to thelumbini.com | Site By : Sobij
