Oct 09 2026 | २०८३, आश्विन २३ गते
.jpg)
Oct 09 2026 | २०८३, आश्विन २३ गते
काठमाडौं: यो साता सार्वजनिक भएको बक्स अफिस विवरणअनुसार चलचित्र ‘परान’ ले हलमा उल्लेखनीय प्रदर्शनलाई निरन्तरता दिएको छ। गत साता ५१औँ दिन पूरा गरेको अवसरमा निर्माण पक्षले एक अनाथ आश्रममा न्यानो कपडा वितरण गर्दै सामाजिक उत्तरदायित्वसमेत निर्वाह गरेको थियो।
चलचित्रले हालसम्म हलमा करिब ६० दिन पूरा गरिसकेको छ। बक्स अफिस तथ्यांकअनुसार यस अवधिमा ‘परान’ले ६ लाख २७ हजार ५ सय ८५ टिकट बिक्री गर्न सफल भएको छ।
टिकट बिक्रीबाट चलचित्रले कुल १७ करोड ६७ लाख ३६ हजार ८ सय २८ रुपैयाँको व्यापार गरेको छ। यससँगै ‘परान’ चालु वर्षको सर्वाधिक कमाइ गर्ने चलचित्र बन्न सफल भएको छ।
निरन्तर दर्शकको साथ र सकारात्मक प्रतिक्रियाका कारण ‘परान’को प्रदर्शन अझै केही समय हलमा जारी रहने अपेक्षा गरिएको छ।
© 2026 All right reserved to thelumbini.com | Site By : Sobij
